ՀԲԸՄ Հայկական վիրտուալ համալսարանը (ՀՎՀ) հավատարմագրված օնլայն ուսումնական հաստատություն է, որը հայագիտական առարկաներ է դասավանդում նոր տեխնոլոգիաների կիրառմամբ: 2009-ին մեկնարկած ՀՎՀ-ի դասընթացները բաց են հայագիտական առարկաներով հետաքրքրված բոլոր անձանց համար` վիրտուալ դասարան ստեղծելով այն ուսանողների համար, ովքեր չեն կարող մասնակցել հայկական կրթական դեմ-առ-դեմ ծրագրերին և հավելյալ հարթակ դառնալով բոլոր նրանց համար, ովքեր մասնակցում են այդ ծրագրերին:
ՀՎՀ-ի առաքելությունն է` կառուցել վիրտուալ կրթական համայնք, որը կնպաստի ամբողջ աշխարհում մշակութային կրթության զարգացմանը և սոցիալական կապերի ստեղծմանը: