Նոր դպրոց. NEHAS

Սեպտեմբերին, ՀԲԸՄ-ի Նոր Անգլիոյ մասնաճիւղի նախաձեռնութեամբ դպրոց մը հիմնուեցաւ: Նպատակն է ամբողջացնել տուեալ տարածաշրջանի հայկական կրթութեան բացը: NEHAS-ը (New England District Hybrid Armenian School), այսինքն Նոր Անգլիոյ հայկական դպրոցը ամբողջովին որդեգրած է ՀՀՀ-ի հիպրիթ կրթութեան ծրագիրը, արեւմտահայերէնի նոր դասընթացքը (v 2.0)՝ իր վերամշակուած ծրագիրով եւ ոճով։
ՀՀՀ-ի ուսուցիչներու վերապատրաստման ծրագիրը յաջողութեամբ աւարտելէ ետք, «HEHAS»-ի ուսուցիչները կը վարեն շաբաթական իրենց դասերը: Դասերէն բացի աշակերտները ունին արտադասարանային հետաքրքրական պահ մը, ուր տարբեր ձեռնարկներու եւ խաղերու կը մասնակցին՝ հայերէն լեզուով:

Վերջին տարիներուն ՀՀՀ –ը, համագործակցելով ՀՀ սփիւռքի գործերու գլխաւոր յանձնակատարի գրասենեակի հետ, «Քայլ դէպի տուն» ծրագիրի մասնակիցներուն կը տրամադրէ արեւմտահայերէնի, հայոց պատմութեան եւ մշակոյթի դասընթացքներ։
Այս տարի մօտաւորապէս 360 հայ երիտասարդ, 25 տարբեր երկիրներէ, մասնակցեցան ՀՀՀ-ի ծրագիրնու ներկայացման հանդիպումին: Անոնցմէ շատեր, աւելի քան150 մասնակիցներ, փափաքեցան յաւելեալ տեղեկութիւն ստանալ ՀՀՀ-ի գործունէութեան, ծրագիրներուն եւ կրթական նոր նախագիծերուն մասին։ Պելառուսի հայկական համայնքի երիտասարդական միութեան անդամները այցելեցին ՀՀՀ-ի գրասենեակ, որպէսզի իրենց համայնքին համար հակիրճ տեսանիւթ մը պատրաստեն ...

Այս տարի մեծ յաջողութեամբ իրականացուած ՀԲԸՄ-ի առաջնորդութեան համաշխարհային ծրագիրին մասնակիցները հետեւեցան ՀՀՀ-ի արեւմտահայերէնի (v 2.0) դասընթացքներուն:

ՀՀՀ-ը ծրագիրին 60 մասնակիցներուն համար կազմակերպեց առցանց երկու ձեռնարկ, ներկայացնելով հայկական ժառանգութիւնը:
Մասնակիցները ՀՀՀ-ի կողմէ ստացան վկայագիրներ՝ աշխոյժ մասնակցութեան համար:
Անոնք ներկայացուցին իրենց տպաւորութինը յատուկ տեսանիւթով:

ՀՀՀ-ի կրթական հարթակի կազմակերպած «Հայկական ժառանգութեան հետքերով» մրցոյթը յաջողութեամբ ամփոփուեցաւ 5 Յունիս, 2021-ին: Պրազիլէն, Արժանթինէն, ԱՄՆ-էն, Պուլկարիայէն, Իտալիայէն, եւ Ռուսիայէն մասնակիցները, ոչինչ խնայեցին իրենց համայնքներու հայկական ժառանգութիւնը լաւագոյն ձեւով ներկայացնելու համար:
Առցան քուէարկութենէն ետք յաղթող հանդիսացան.
-Սապրինա Մոնտի, Իտալիա- լաւագույն տեղեկատուական նախագիծ
-Մարինեէ Մանճիկեան, Հայաստան- լաւագոյն վարպետաց դաս
-Ֆլորենսիա Տեմիրճեան, Արժանթին- լաւագույն ժամանցային, հետաքրքրական նախագիծ

Ներկայացուած բոլոր նախագծերը տեսնելու համար, սեմեցէք հետեւեալ յղումը եւ արձանագրուեցէք
ՀՀՀ-ի կրթական հարթակ .

Մրցանակաբաշխութեան տեսագրութիւնը

Հայ մանկավարժներու առցանց համայնքը կազմուեցաւ 2020 թուականի Օգոստոսին, Համահայկական կրթական առցանց խորհրդաժողովի ընթացքին։ Այսօր այս համայնքը ունի աւելի քան 1360 անդամ՝ Հայաստանէն եւ սփիւռքէն։
Այս հարթակէն ներս, 28 Օգոստոս 2021-ին, «Հայերէնի դասաւանդման հարցեր» խորագիրով առցանց հանդիպում-քննարկում մը կազմակերպուեցաւ: Օրուան բանախօսն էր բանասէր, ազգագրագէտ, հայերէնի դասագիրքերու հեղինակ, գիրքերու խմբագիր եւ կրթական գործիչ դոկտ. Յակոբ Չոլաքեանը: Այս առցանց համայնքը մեծ առիթ է մասնակիցներուն համար: Անոնք այս համայնքի շնորհիւ կրնան իրարու հետ կապի մէջ մնալ եւ զիրար մասնագիտական տեղեկութիւններ փոխանցել ...

Նիւ Եորքի Սիամանթօ լսարանի 45 աշակերտները կը հետեւին ՀՀՀ-ի հայոց լեզուի եւ մշակոյթի դասընթացքներուն:

29 Մայիս 2021-ին, ամավերջի առցանց ձեռնարկին, Հայ ազգային ուսումնական խորհուրդի (ANEC) տնօրէն Մարի Կիւլիւմեանը շնորհակալութիւն յայտնեց ՀՀՀ-ին եւ հեռավար ուսուցիչներուն, առցանց կրթութեան ոլորտի մէջ իրենց ձեռք ձգած յաջողութեան համար ...

12 Յունիս 2021-ին, ՀԲԸՄ-ի Մոնթրէալի «Հայորդեաց օր» շաբաթօրեայ ծրագիրի 30 աշակերտները եւ ՀԲԸՄ-ի Թորոնթոյի մասնաճիւղի 12 անդամները ստացան իրենց վկայականները: Անոնք յաջողութեամբ աւարտեցին ՀՀՀ-ի արեւմտահայերէնի (v 2.0) եւ ճատրակիի դասընթացքները։ ՀՀՀ-ի հիմնադիր նախագահ դոկտ. Երուանդ Զօրեանը, հիպրիթ կրթութեան ծրագիրը համակարգող Արփինէ Թաւաքալեանը, հեռավար ուսուցիչներ Միքայէլ Անտրիասեանը եւ Զեփիւռ Խպլիկեանը մասնակցեցան առցանց ձեռնարկին ու իրենց շնորհաւորական խօսքը յղեցին ուսանողներուն եւ ՀԲԸՄ-ի Գանատայի երկու մասնաճիւղերու ներկայացուցիչներուն ...