• նամակագրական կապ ունենան իրենց համակուրսեցիների հետ և հաղորդակցվեն ֆորում-քննարկումների, չաթի, Skype-ի, ձայնա- և տեսակոնֆերանսների միջոցով,
• ընթերցեն և քննարկեն օնլայն տեքստերն ու նյութերը,
• աշխատեն փոքր խմբերով և անհատապես` կիրառելով օնլայն գործիքների մի ամբողջ համակարq:

Դասընթացը ներկայացնում է միջնադարյան հայոց պատմությունը` ընդգրկելով XII դարի սկզբից մինչև XVII դար ընկած ժամանակահատվածը: Այն տեղեկություններ է տալիս Բագրատունյաց թագավորության տրոհման և անկման պատճառների,սելջուկ թուրքերի արշավանքների և հայկական ազատագրական ապստամբությունների մասին, ինչպես նաև Կիլիկյան Հայկական թագավորության մասին:
Դասընթացը մատչելի է մեծ լսարանի համար: Շեշտը դրված է հայկական թագավորությունների, հայկական կառավարման կառույցների, Հայաստանի անկախության խնդիրների, սոցիալական, քաղաքական, տնտեսական և մշակութային զարգացման վրա:

Անհրաժեշտ չէ տպագրել օնլայն նյութերը: Դրանք դասերի մասն են կազմում: Ուսանողները պետք է կարդան, լսեն, դիտեն ամբողջ նյութը և կատարեն բոլոր առաջադրանքները:
Օնլայն նյութերը կազմված են հասարակայնորեն հասանելի մասնագիտական պատմական գրականության, գիտական ուսումնական ծրագրերի, մասնագիտական ամսագրերում տպագրված վերջին հրապարակումների, դպրոցական ուսումնական ծրագրերի, պատմագիտական քննարկումների և բանավեճերի հիման վրա:
Էլեկտրոնային նյութերը պատրաստված են համալսարանական և մինչհամալսարանական ուսանողների, միջնակարգ դպրոցների պատմության ուսուցիչների, Հայաստանի և Սփյուռքի չափահաս անձանց համար:

• Հայ ժողովրդի պատմություն, ՀԳԱ հրատ., հատոր 1-8 (Երևան 1967-1984)
• Է. Դանիելյան, Ա. Մելքոնյան, Հայոց պատմություն (Երևան 2008)
• Ա. Մելքոնյան, Հայոց պատմություն (Երևան 1998)

Դասընթացն ավարտելուց հետո ուսանողները ծանոթ կլինեն հայոց պատմության նշանակալից իրադարձությունների ժամանակագրությանը, կունենան գիտելիքներ համաշխարհային պատմության մեջ հայոց պատմության դերի մասին, կունենան պատմական գործընթացները ուսումնասիրելու, վերլուծելու, մեկնաբանելու և խնդիրները լուծելու փորձ:

• Բագրատունյաց թագավորության տրոհումն ու անկումը: Պետական կարգը և սոցիալ-տնտեսական կյանքը;
• Սելջուկ-թուրքերի արշավանքները Հայաստան: Հայ-վրացական զինակցությունը սելջուկների դեմ պայքարում 12-13-րդ դդ.;
• Կիլիկիայի հայկական պետությունը 11-րդ դարի վերջին և 12-րդ դարում;
• Կիլիկյան Հայաստանը թագավորության ժամանակաշրջանում;
• Հայաստանը 13-15-րդ դարերում;
• Հայաստանը թուրք-պարսկական պատերազմների ժամանակաշրջանում (16-17-րդ դդ.);
• Հայաստանի ազատագրության խնդիրը ուշ միջնադարում;
• Հայ մշակույթը 9-17-րդ դարերում:

Էլեկտրոնային նյութերը պատրաստված են օգտագործման, ինչպես նաև լսարանի համար մատչելի սկզբունքով: Օնլայն ուսուցիչների կողմից անցկացվող առաջադրանքներն ու օնլայն քննարկումները ուսանողներին կօգնեն ներգրավվել պատմական իրադարձություններն ուսումնասիրելու և մանրամասն վերլուծություն կատարելու գործընթացի մեջ: Անհատական և խմբային առաջադրանքների օգնությամբ ուսանողները կկատարեն ճշգրիտ ուսումնասիրություններ և տեղեկատվության փոխանակում: Որքան ուսանողը ներգրավված կլինի ուսման մեջ, այնքան արդյունավետ կլինի վերջինս:

Դասընթացը տևում է 9 շաբաթ, ներառյալ ծանոթացման շաբաթը, և նախատեսում է ուսանողի մասնակցությունը յուրաքանչյուր շաբաթվա առնվազն 5 օրերի ընթացքում:

Ուսանողները պետք է ակտիվորեն մասնակցեն օնլայն քննարկումներին, ֆորումներին, չաթերին, մասնակցեն անհատական և խմբային աշխատանքներին, ինչպես նաև հանձնեն բոլոր առաջադրանքները սահմանված ժամկետներում:
Ուսանողները պետք է ծանոթ լինեն և ենթարկվեն ՀՎՀ-ի ակադեմիական քաղաքականությանը:

Անհատական նախագծի նկարագրությունը. յուրաքանչյուր ուսանող աշխատում է իր անհատական նախագծի վրա և ներկայացնում այն սահմանված ժամկետում: Նախագիծը պետք է հիմնված լինի դասընթացի ընթացքում ուսումնասիրված նյութի վրա: Ուսանողները նախապես պետք է օնլայն ուսուցչի հետ խորհրդակցեն ընտրած թեմայի և բովանդակության շուրջ: Այն ուսանողները, ովքեր թեման կընտրեն նախօրոք, հնարավորություն կունենան դասընթացի ընթացքում կատարված աշխատանքները և քննարկումներն օգտագործել իրենց նախագծում:

Խմբային նախագծի նկարագրությունը. խմբային նախագիծը հիմնված է համեմատական մեթոդի վրա: Ուսանողների խումբը թեմայի շրջանակներում նյութեր է հավաքում և համեմատական զուգահեռներ է անցկացնում հայոց պատմության դասընթացի տվյալ ժամանակաշրջանում Հայաստանում և իրենց երկրներում կատարված իրադարձությունների միջև: Խմբի անդամները միասին կորոշեն իրենց աշխատանքի ձևը, Word կամ PowerPoint կամ այլ թվային ծրագրերի օգնությամբ կստեղծեն աշխատանքը` ներկայացնելով կատարված համեմատությունները և ուսումնասիրությունների զուգահեռները:

Ուսանողների առաջադիմությունը կգնահատվի ամբողջ ուսումնական շրջանի ընթացքում ստացած գնահատականների հիման վրա, ինչը ձևավորվում է հետևյալ սկզբունքներով.

• 20% - մասնակցություն
• 25% - անհատական աշխատանք
• 25% - խմբային աշխատանք
• 30% - ավարտական քննություն

Առաջադրանքները պետք է հանձնել նախատեսված ժամկետներում: Այս կերպ ուսանողը հետ չի ընկնի դասերից, իսկ օնլայն ուսուցիչը հնարավորություն կունենա հետևողականորեն գնահատել աշխատանքը: Եթե աշխատանքը հանձնվում է սահմանված ժամկետից մեկ շաբաթ ուշ, ապա գնահատականը նվազում է 10%-ով (եթե իհարկե ուսանողը նախապես չի ստացել օնլայն ուսուցչի համաձայնությունը): Սահմանված ժամկետից երկու շաբաթ ուշ հանձնված աշխատանքները կընդունվեն, կստուգվեն, բայց չեն գնահատվի: Բացառություններ կլինեն միայն որոշ հարգելի դեպքերում:
Գրանցվելու համար, խնդրում ենք լրացնել արձանագրման հայտը: