Շախմատի ռազմավարություն. միջին մակարդակ – մաս 2
| Ուսումնական շրջան | Գրանցում | Դասընթացներ |
|---|---|---|
| Ձմեռ 2019 | Նոյեմբեր 30 (ուրբաթ) – Դեկտեմբեր 16 (կիրակի) 2018թ. | Հունվար 07 (երկուշաբթի) - Մարտ 12 (երեքշաբթի) |
| Գարուն 2019 | Մարտ 15 (ուրբաթ) – Մարտ 31 (կիրակի) | Ապրիլ 15 (երկուշաբթի) – Հունիս 18 (երեքշաբթի) |
| Ամառ 2019 | Հունիս 14 (ուրբաթ) – Հունիս 30 (կիրակի) | Հուլիս 22 (երկուշաբթի) – Սեպտեմբեր 24 (երեքշաբթի) |
| Աշուն 2019 | Սեպտեմբեր 20 (ուրբաթ) - Հոկտեմբեր 06 (կիրակի) | Հոկտեմբեր 14 (երկուշաբթի) – Դեկտեմբեր 17 (երեքշաբթի) |
Ակնկալվող մասնակցության սանդղակ (ժամեր/շաբաթ)
| Նյութեր (ձայնա-, տեսա- և տեքստային) | 1 - 2 ժամ |
| Քննարկումներ, գլուխկոտրուկներ, վարժություններ | 1 - 2 ժամ |
| Հարցումներ, առաջադրանքներ | 1 - 2 ժամ |
| Շաբաթական ակնկալվող մասնակցություն | 4 - 6 ժամ |
- նամակագրական կապ ունենան իրենց համակուրսեցիների հետ և հաղորդակցվեն քննարկումների, ֆորումների, չաթի, Skype-ի, ձայնա- և տեսակոնֆերանսի միջոցով,
- ընթերցեն և օնլայն քննարկեն տեքստերն ու նյութերը,
- աշխատեն փոքր խմբերով և անհատապես` կիրառելով օնլայն գործիքների մի ամբողջ համակարq:
Դասընթացի նկարագրությունը և նպատակները
Դասընթացը շարունակում է տրամադրել շախմատի համապարփակ գիտելիքներ, որոնք ուսանողին թույլ են տալիս շախմատ խաղալ գիտելիքների ավելի ընդլայնված պաշարով: Դասընթացը բաղկացած է 8 դասից, որոնք հաջորդաբար ներկայացնում են խաղի հիմնական տարրերի նկարագրությունը, տեղեկություններ են տալիս խաղի կանոնների մասին, սովորեցնում են զինվորային վերջնախաղեր, դրությունների համեմատում, նյութական առավելության իրացում, ինչպես նաև շախմատային մի շարք այլ հնարքներ: Դասընթացը մշակված է լայն շրջանակ ընդգրկող լսարանի համար:
Անհրաժեշտ չէ տպել օնլայն նյութերը: Դրանք դասերի բաղկացուցիչ մասն են: Ուսանողները պետք է կարդան, լսեն, դիտեն ամբողջ նյութը և լրացնեն բոլոր առաջադրանքները:
Էլեկտրոնային նյութերը մշակված են համալսարանական և մինչհամալասարանական ուսանողների, միջնակարգ դպրոցների շախմատի ուսուցիչների և պատանիների համար ինչպես Հայաստանում, այնպես էլ սփյուռքում:
- Հ. Տ. Թումանյան, Շախմատ 2, (Երևան, 2011թ.)
Դասընթացն ավարտելուց հետո ուսանողները կկարողանան ավելի լավ շախմատ խաղալ, հարուստ գիտելիքներ կունենան խաղի հիմնական սկզբունքների և վերջիններիս ճիշտ կիրառման մասին, ինչպես նաև կկարողանան գնահատել շախմատային տարբեր իրավիճակները և խաղային կոմբինացիաները:
- Զինվորային վերջնախաղեր: «Քառակուսու կանոն»
- Զինվորային վերջնախաղեր: Սատարման դաշտեր
- Զինվորային վերջնախաղեր: Քայլի հերթականության կարևորությունը
- Զինվորային վերջնախաղեր: Կրկնակի սպառնալիք արքայով
- Զինվորային վերջնախաղեր: Զինվորների մրցավազք
- Դրությունների համեմատում
- Նյութական առավելության իրացում
- Թագուհին փղի (c, f) զինվորի դեմ
Էլեկտրոնային նյութերը մշակվել են լսարանի համար հասկանալի և մատչելի սկզբունքով: Օնլայն ուսուցչի առաջարկած բազմապիսի աշխատանքները և օնլայն քննարկումները ուսանողին կներգրավվեն շախմատային քննության և բուն խաղի մեջ: Անհատական և խմբային առաջադրանքներն ուսանողին կօգնեն կատարել համապատասխան հետազոտություններ և հարստացնել գիտելիքները:
Դասընթացը տևում է 9 շաբաթ, ներառյալ ծանոթացման շաբաթը, նախատեսում է ուսանողի մասնակցությունը յուրաքանչյուր շաբաթվա 5 օրերի ընթացքում:
| Շաբաթ 0 |
Ծանոթացման շաբաթ Ուսանողները ծանոթանում են Ուսանողի ուղեցույցի հետ, լրացնում են ուսման ոճերի հարցաշարը, լրացնում են անձնական թերթիկը, ներկայանում են միմյանց՝ մասնակցելով ծանոթացման ֆորում-քննարկմանը և գտնում են այն ժամային գոտին, որի սահմաններում աշխատելու են: Ուսանողները ծանոթանում են նաև հաղորդակցման և տեխնիկական այն գործիքների հետ, որոնք կիրառելու են ողջ ուսումնական շրջանի ընթացքում: |
| Շաբաթ 1-8 | Դաս 1-8 (օգտագործել օնլայն նյութեր և թվային միջոցներ) առաջադրանքներ, գլուխկոտրուկներ, հարցումներ |
| Շաբաթ 4 | Միջանկյալ քննություն |
| Շաբաթ 8 | Ավարտական քննություն |
Դասընթացի պահանջները և գնահատման կարգը
Ուսանողները պետք է ակտիվորեն մասնակցեն օնլայն քննարկումներին, ֆորումներին, չաթերին, ինչպես նաև հանձնեն բոլոր առաջադրանքները սահմանված ժամկետներում:
Ուսանողները պետք է ծանոթ լինեն և ենթարկվեն ՀՎՀ-ի ակադեմիական քաղաքականությանը:
Ուսանողների առաջադիմությունը կգնահատվի ամբողջ ուսումնական շրջանի ընթացքում ստացած գնահատականների հիման վրա, ինչը ձևավորվում է հետևյալ սկզբունքներով.
- 20% - մասնակցություն
- 20% - առաջադրանքներ
- 30% - միջանկյալ քննություն
- 30% - ավարտական քննություն
Առաջադրանքները պետք է հանձնել նախատեսված ժամկետներում: Այս կերպ ուսանողը հետ չի ընկնի դասերից, իսկ օնլայն ուսուցիչը հնարավորություն կունեն հետևողականորեն գնահատել աշխատանքը: Եթե աշխատանքը հանձնվում է սահմանված ժամկետից մեկ շաբաթ ուշ, ապա գնահատականը նվազում է 10%-ով, եթե իհարկե ուսանողը նախապես չի ստացել ուսուցչի համաձայնությունը: Սահմանված ժամկետից երկու շաբաթ ուշ հանձնված աշխատանքները կընդունվեն (միայն ստուգվելու են), բայց չեն գնահատվի: Բացառություններ կլինեն միայն որոշ հարգելի դեպքերում:
Գրանցվելու համար, խնդրում ենք լրացնել արձանագրման հայտը:
Վերադառնալ դասընթացների ցանկ
ARMENIAN GENERAL BENEVOLENT UNION