• Նամակագրական կապ ունենան իրենց դասընկերներուն հետ եւ հաղորդակցուին քննարկումներու, ֆօրըմներու, չաթի, Skype-ի, ձայնա-տեսահաղորդակցութեան միջոցով։
• Ընթերցեն եւ օն-լայն քննարկեն բնագիրները եւ դասանիւթերը։
• Աշխատին պզտիկ խումբերով եւ անհատապէս` գործածելով օն-լայն միջոցներու ամբողջ համակարգ մը։

Դասընթացքը հայ երաժշտութեան պատմութեան ներածութիւնը կը ներկայացնէ (60-70-ական թուականներուն մէջ ինկած ժամանակաշրջանը) եւ այդ մշակոյթի հիմնական բաղադրիչները: Դասը ընդհանուր տեղեկութիւններ կը պարունակէ միջնադարի երաժշտածիսական մատեաններու եւ հոգեւոր երաժշտութեան գրառման համակարգերու մասին: Այս դասընթացքը նաեւ մեզի հնարաւորութիւն կու տայ կարդալու հայ մեծ քոմփոզիթորներու ստեղծագործական կեանքը, ինչպէս նաեւ 60-70- ական թուականներու հայ քոմփոզիթորական արուեստի նոր միտումները:
Դասընթացը հարուստ է նաեւ երաժշտական բացառիկ նմուշներով` հայ երգարուեստի լաւագոյն ներկայացուցիչներու կատարմամբ:Այս դասընթացքը մատչելի է մեծ լսարանի համար:

Օն-լայն դասանիւթերը տպագրելու անհրաժեշտութիւն չկայ: Անոնք դասերու մաս կը կազմեն: Ուսանողները պէտք է կարդան, լսեն, դիտեն ամբողջ նիւթը եւ կատարեն իրենց պարտականութիւնները:
Օն-լայն նիւթերը կազմուած են ընդհանրապէս հասանելի մասնագիտական պատմական գրականութեան, գիտական գրականութեան ուսումնական ծրագիրներու, մասանագիտական ամսագրերու մէջ վերջերս տպագրուած հրապարակութիւններու հիման վրայ:

Դասընթացքն աւարտելէ ետք ուսանողը գիտելիքներ կ ̓ ունենայ հայ միջնադարեան երաժշտածիսական մատեաններու մասին, ծանօթացած կ ̓ըլլայ հայ հոգեւոր երաժշտութեան գրառման համակարգին հետ, ինչպէս նաեւ կարդացած կ̓ըլլայ հայ նշանաւոր քոմփոզիթորներու՝ Կոմիտասի, Ն. Տիգրանեանի, Տ. Չուխաճեանի, Ա. Սպենդիարեանի եւ այլոց ստեղծագործական կեանքը:
Երաժշտական նմուշներու օգնութեամբ, ուսանողը յատուածներ կը լսէ հայ նշանաւոր քոմփոզիթորներու ստեղծագործութիւններէն:

• Հայ միջնադարեան երաժշտածիսական մատեաններ
• Հայ հոգեւոր երաժշտութեան գրառման համակարգերը
• Հայ քոմփոզիթորական արուեստ: Հայ երաժշտական մշակոյթը 19-րդ դարու II կիսուն (մաս 1):
• Հայ քոմփոզիթորական արուեստ: Հայկական երաժշտական մշակոյթը 19-րդ դարու II կիսուն (մաս 2):
• Կոմիտաս
• Հայ մասնագիտական քոմփոզիթորական արուեստ
• Արամ Խաչատուրեանը, իր ժամանակակիցները եւ յետեւորդները
• 60-70 – ական թուականներու հայ քոմփոզիթորական արուեստի նոր միտումները:

Ելեկտրոնային նիւթերը պատրաստուած են օգտագործման համար դիւրին եւ լսարանի համար մատչելի սկզբունքով: Աշխատանքներն ու քննարկումները, զորս պիտի վարեն օն-լայն ուսուցիչները, կը նախատեսեն ներգրաւել ուսանողները դասընթացքի նիւթին մէջ՝ ուսումնասիրելու եւ մանրամասն վերլուծութիւն կատարելու: Անհատական եւ խմբային առաջադրանքներու օգնութեամբ ուսանողները պիտի կատարեն ճշգրիտ ուսումնասիրութիւններ` փոխանակելով տեղեկատուութիւնը դասընկերներու հետ: Այն ուսանողները, որոնք սեփական ներդրում կ’ունենան իրենց ուսման մէջ, աւելի նպաստաւոր վիճակի մէջ պիտի ըլլան: