28 Սեպտեմբեր, 2011-ին ՀԲԸՄ Հայկական Համացանցային Համալսարանը Ռուսիայի հայկական գաղութներու հայապահպանման ծրագիրներու ծիրէն ներս յանձն առած էր նոր դասարանի մը բացումը Տոնի Ռոստովի մէջ: Բացման հանդիսութիւնը Հայ Համայնքի Կեդրոնին նոր շէնքին մէջ տեղի ունեցաւ: Հադիսութեան ներկայ էին համայնքի եկեղեցւոյ ներկայացուցիչներ, տարբեր կազմակերտութիւններու եւ մամուլի ներկայացուցիչներ, ինչպէս եւ հրաւիրեալներ եւ հիւրեր: Հայ Համայնքի Կեդրոնի ղեկավար պրն. Սուրմալեանն ու ՀՀՀ-ի օն-լայն ուսուցչուհի տիկին Մարինա Խաչատուրեանը կարմիր ժապաւէնը կտրեցին: Բացման խօսքով հանդէս եկաւ ՙ Հայազգ ՚ ֆոնտի նախագահ, Հայ Համայնքի Կեդրոնի գործունեայ անդամ պրն. Ս. Սայաթովը, որմէ ետք Հայ Առաքելական Սուրբ Եկեղեցւոյ Առաջնորդ Տէր Անանիա Բաբաեանը օրհնեց ՀԲԸՄ-ի նորաբաց դասարանը: Պրն. Սուրմալեանը նշեց որ Ռոստովի համայնքը մեծ է, սակայն գործող հայակական դպրոցներ չունի, ուստի ՀԲԸՄ ՀՀՀ-ի նորաբաց դասարանը մեծապէս պիտի նպաստէ նոր սերունդի հայապահպանմանը: Տիկին Մարինա Խաչատուրեանը հայկական Համացանցային Համալսարանի բոլոր բաժինները ներկայացուց, նաեւ ծանօթացուց հիբրիթ կրթութեան եղանակով ՀՀՀ-ի եւ այլ դպրոցներու միջեւ համագործակցութիւնը: Փակումը կատարեց Մոսկուայի ՙՆոյեան Տապան՚ հայկական թերթի գլխաւոր խմբագիր պրն. Գրիգոր Անիսոնեանը:Հայկական Համացանցային Համալսարանի հիմնադիր նախագահ Դր. Երուանդ Զօրեանը ուրախ է Ռոստովի պատմական եւ խոր արմատներ ունեցող համայնքի նախաձեռնութեանը աջակցելու, վկայելով Ռոստովի Հայկական Համայնքի ղեկավարններու խանդավառութիւնը.ՙՙ\"Մենք շատ ուրախ ենք Տոնի Ռոստովի Հայ Համայնքի անդամներուն օգնելու եւ ՀՀՀ-ի միջոցով իրենց առցանց ուսուցում ապահովելու համար: Մենք գիտենք Հայկական կրթութեան կարեւորութիւնը Սփիւռքի մէջ, յատկապէս Ռուսիոյ Հայ համայնքներուն մէջ, որուն խանդավառութիւնը շատ մեծ է: Սա ամբողջապէս կը համապատասխանէ ՀԲԸՄ-ի առաքելութիւնը\": ՚