Հայոց լեզուի բաժանմունքը ուսանողներուն արեւելահայերէնն ու արեւմտահայերէնը որպէս երկրորդ լեզու սորվելու հնարաւորութիւնը կու տայ: Դասընթացքներուն նպատակն է զարգացնել եւ ամրապնդել լեզուի իմացութիւնը՝  կարդալու, գրելու, լսելու եւ խօսելու հմտութիւնները: Առցանց դասերը յագեցած են պատկերներով, բնագիրներով, լսա-տեսողական բովանդակութեամբ, երկխօսութիւններով, ներգործօն վարժութիւններով եւ  բազմաբնոյթ այլ հնարաւորութիւններով: Դասընթացքը տարբեր մակարդակներ ունի. սկիզբ կ'առնէ սկսնակ մակարդակէն  եւ կը հասնի մինչեւ առաջադէմ մակարդակ:

Ծնթ. ՀՀՀ-ի ընդունած սկզբունքին համաձայն, ուսանողը ամէն մէկ բաժինէն կրնայ մէկ դասընթացքի արձանագրուիլ:

ՀՀՀ-ի հայոց լեզուի դասընթացքի յաւելուածը հասանելի է iOS-ով եւ Android-ով:

Ուշադրութիւն.   բջիջային հեռաձայնով կամ tablet-ներով «Learn Armenian with AVC» յաւելուածին հետեւելու համար, ուսանողները պէտք է արձանագրուին avc-agbu.org/why կայքին կամ իրենց ունեցած ՀՀՀ-ի հաշիւով մուտք գործեն հարթակ: